Manifestar per la lenga Besièrs 2007

a 14 oras a l'Ostal Sirventés :

79, la Trivala a CARCASSONA
(S'espèra la preséncia o representacion de totei leis associacions d'Anem Òc)
A lèu !

ACAMP DAU COMITAT "ANEM OC"

CARCASSONA 10-10-07

► Presents : Daidièr Agar (FELCO); Maria Boivert (Conselh de la Joventut); Pèire Costa/David Grosclaude/Ana-Maria Poggio/ Bruno Peyras (IEO); Yves Lecourt (Anem Oc 09); Guy Revest (Felibrige).
Rendut -còmpte establit per A. Poggio e D. Agar

► LO COMITAT "ANEM! ÒC!" demòra unit sus la plata-forma de Besièrs coma basa, son ròtle es de faire créisser l'accion publica en favor de la lenga.

Idèia mantenguda de collaboracion ambé leis autrei Lengas de França.

Lei contactes (IEO) contunian per aver una plata-forma comuna… Sus lo principi, Bretanha, Alsàcia, Catalonha son d'acòrdi; Pais Basc mai de dificultat .

► Ara, avèm donat RENDETZ-VOS per 2009, alora ?
Lei ressons post-manif e debats sus la question (estiu 2007) nos an mostrat que lo monde espèra ben, per 2009, una novela Manif (se pausan pas lo problema dau risque de folclorizacion…) e vòlon una soleta Manif recampant tot lo monde, en un luec unic…

► DEFINIR L'OBJECTIU, per accion concreta :

- Faire un recampament sus la Plata-Fòrma, en ciblant un deis objèctius mai precisament ?
- Autra…
Per chifrar a tot aquò : organizacion d'un Forum / Trobada d'escambis interassociatius.

► FORUM : dimenge 27 d'abrieu "ANEM! ÒC! ENDAVANT!" a Besièrs.

Idèias en sòrta :

■ chausir tres ponchs de tractar :

quinas accions per l'avenir de la lenga;
ròtle dei Comitats locaus,
vision e demanda de la generacion novèla,
transformar la simpatizacion,
autra…

■ bilanc de l'existent :

- presa de paraula corteta de chasque associacion,
- ponch sus lei Comitats locaus : lei reactivar, ne'n tornar metre en plaça novèus
- interessant d'aver ponch de vista de personas (avent participat ai Manifs?) mai en meme temps exterioras au movement (estudiants enquistaires, sociològues… sindicats e associacions non occitanistas… monde economic)

■ Monde que vòlon prendre paraula (3mn) davant assemblada, se devon inscriure…
■ Possibilitat de mandar contribucion escricha : 5 linhas max…
■ Projèction paraulas sus escran gigant, ordinators ? videò-projèctors ?…
■ Debat ambé Moderator.

► DATA possibla PER UNA MANIFESTACION : Octòbre 2009

- prepausicion dau meteis jorn per una manifestacion deis autrei lengas ? (mai problema : en Bretanha preveson quauquaren per fin 2008)
● Dos ans per alestir…
● Mai fau mantenir agitacion dau temps d'aquestei doas annadas…

►ACCIONS

● Trabalhar sus lei relacions ambé lei politics, que siam un enjuec electorau… MAI, devèm gardar nostra independéncia ambé la nhaca per dire lei causas, maugrat de còps lo chantatge (vos donam sòus, mai nos ajudatz de nos mantenir au poder) d'aquestei politics.

● Eleccions municipalas : L'IEO es a faire un document per lei militants per interpelar lei candidats e li explicar que se vòlon, pòdon faire pichotei causas dins sa comuna per la socializacion de la lenga (classas bilinguas, calandretas, senhaletica, utilizacion de la lenga dins documents…) Fau mantenir la pression!

● Tre ara, adreiçar una letra a Sarkòzi (redactor Felipe Martel) per l'interpelar sus la question… Cf promessa electorala « una lei per securizar lei lengas de França » e tanben " França deu èsser una nacion bilingua"…

● Fargar una delegacion d'elegits totei tendéncias mescladas per montar (ambé nautrei?) a Paris, per rescontrar lo President (ò autre representant dau governament…) Seguida de la causa que siguèt entamenada ambé nòstre mandadis d'una letra ai Pt dei Consèus Regionaus. Presidents dei Consèus regionaus que 3 solets an respondut mai pas a la question pausada qu'èra l'interpelacion dau governament…
● Mejans d'accions publicas : texte clar, interrogam totei leis elegits (e lei candidats) quina que siegue la tendéncia.

► LUEC Manif :

- Pas de Manif, a Paris.
- belèu quauquaren avans ailàmondaut, anonciaire de çò que se debanarà puei, avau (veire a delegacion d'elegits…)
- En País d'Òc (luec non definit: Tolosa ? Marselha ? Albi ? Autre...)
Importància per la populacion d'aicí de veire en direct çò que se passa, la joinessa, la lenga viva… gardar lo contacte ambé lo pais…
- Fau una collectivitat que done mejans tecnics,
- còla solida sus plaça,
- configuracion geografica propici au recampament de massa,
- …
- anonciar que se farà pas, volontariament a Paris ? puei que…

► MEDIATIZACION

- Lo paisatge mediatic a cambiat, devèrs leis occitans. (Cf velha mediatica realizada per l'IEO lei mes que seguiguèron lo 17 de març…)
- Problema d'unei de la premsa nacionala, avèm 2 ans per trobar un relais ambé la premsa exagonala.
- Pagar un estacat de premsa 6 mes avans la Manif?

Menar tòca pas tant per faire parlar de la Manif en se coma per mediatizar la question de la politica linguistica…

► MEJANS :

A l'ora d'ara "Anem! Òc" a plus ges de permanent.
- fau faire virar encara la peticion, (pj)
- actualizar lo site (se cèrca un responsable)
- Fa mestier de trobar d'ajudas en mai...
- Lei còmptes de Besièrs son equilibrats mai sobra gaire (deu demorar quauquaren coma 1000 / 1500 €) e pas pron per contuniar ; adonc fau trobar moneda. Faire rampèu pròchi lei militants ?


ACAMP que ven : dimècres 5 de decembre,
a 14h, a l'Ostau Sirventés, 79 carrièra Trivala a CARCASSONA.
(S'espèra la preséncia o representacion de totei leis associacions d'Anem Òc.)

Lo passa-carrièra partirà de la Passejada Pau Riquet, de l’estatua del quite Pau Riquet, fàcia a l’Avenguda St Saëns que se vètz sul plan.
Serà lo ponch d’acuèlh materializat d’un costat per un empont, de l’autre per una tenda. ; direccion Avenguda Saint Saëns, a drecha de las Alèas ; puèi, de virar a esquerra pel Baloard Frederic Mistral fins a l’avenguda del 22 d’agost de 1944 que prendrem, tornar, a esquerra ; arribarem a la plaça de la Victòria (darrièr lo Teatre) ; contunharem per la Carrièra de la Republica fins al mercat cobèrt ont virarem a esquerra per la Carrièra Pau Riquet ; totjorn a esquerra de seguir la Carrièra Flourens fins al Plan Gabriel Péri (davans la Comuna) ; puèi de davalar l’Avenguda Alfonsa Mas fins a l’Avenguda Estève d’Orves ont virarem a esquerra per la pujar fins al Plan Joan Jaurès e arribar a las Alèas Paul Riquet.

• despart a 14 oras, estatua de Pau Riquet ;
• Avenguda Sant Saëns, a drecha de las Alèas ;
• Baloard Frederic Mistral a esquerra ;
• Avenguda del 22 de agost 1944 a esquerra ;
• Plaça de la Victòria (darrièr lo Teatre) ;
• Carrièra de la Republica fins al mercat cobrèt ;
• Carrièra Pau Riquet a esquerra;
• Carrièra Flourens fins al Plan Gabrièl Peri (davans la Comuna) ;
• Avenguda Alfòns Mas en davalant
• Avenguda Estève d’Orves en pujant
• Plan Jean Jaurès per arrivar als Alèas Pau Riquet.