Manifestar per la lenga Besièrs 2007

Collectiu Roergàs - .I.E.O.
"Anem Òc per la lenga occitana ! "

Rendut-compte de la reunion del 9 de decembre al Pont de Salars.
12 présents, 5 desencusats

Las decisions seguentas foguèron presas :

Organisacion interna :

* Adreiça : Collectiu Roergàs-I.E.O, Ostal del Patrimòni, plaça Foch 12000 RODÉS.
* Telefon : Jean-Marie COSTES que deu estudiar la possibilitat ambe l'IEO : oraris, respondaire, tenguda del quasèrn d’apèls… En esperant, pas de cambiament : Tel. : 05 65 58 19 82 (Bernard VERDIÉ),
* Corrièl : roergue@macarel.net.
* Corrièl e siti : responsable Domenge CHÂTEAU-ANNAUD.
* Per l’assegurança es la de l'I.E.O. que nos cobrirà, marcarem donc d’ara enlà Collectiu Roergàs "Anem Òc per la lenga occitana"- IEO
* Comptabilitat : Silvia BOURLEAUD-VERDIÉ qu’aurà besonh d’ajuda (apèl a volontaris !)
* Secretariat : Olivier DAILLUT + un secretari d’acamp.
* Contact ambe lo comitat nacional : Domenge CHÂTEAU-ANNAUD.

Fèstas de mobilizacion en Roèrgue.

* Data : 4 de febrièr de 11 oras à 18 oras (de precisar).
* Luòc : après una discutida plan rica, la decision foguèt presa de far mantunas « fèstas » lo meteis jorn a la meteissa ora (4 de febrièr de 11 oras a 18 oras) dins mai d’un cantons del despartament, per una mobilizacion e una cobertura mediatica mai largas..
* Esperit d’aquesta fèsta : dubèrtura a la diversitat culturala i compres autra qu’occitana, mesa en valor dels nòstres artistas, participacion dels enfants e subretot dels adolescents en lor balhant un moment d’expression per mostrar la vitalitat de la lenga nòstra.
* Comunicacion : Una sola comunicacion per totes los luòcs : visual, comunicat de premsa, conferéncia de premsa ? … En mai, cada còp qu’una manifestacion occitana se debanarà dins lo despartament, lo comitat local ensajarà d’èsser present per parlar de la fèsta de mobilizacion e de la manifestacion de Besièrs. Prepausarà bilhets de sosten e de transpòrt.
* Artistas : Olivièr DAILLUT et Ives DURAND los devon contactar. Caldriá que la diversitat de l’expression occitana, e mai largament de las expressions culturalas en general, siaguèsse presenta dins los diferents luòcs.
* Estudiatz las possibilitats d’organizar aquò dins lo vòstre canton e informatz lo comitat local avant lo dissabte 16/12.

Transpòrt :

Après recepcion dels devisses, la decision es estada presa de prepausar un bilhet unic per tot lo despartament : prètz 10 €. La venda dels bilhets de sosten deuriá permetre de compensar la diferéncia.
De punts de despart son prevists a La Vila (Vilafranca), La Sala (Decazavila), Rodés, Milhau. D’autres luòcs seràn desservits en fonccion de las demandas.

Bilhets de sosten :

* Prètz : 5 €
* Seràn disponibles tre divendres que ven. Comptam sus totas las bonas volontats per los vendre. Demandatz quasernets (10 tiquets) per corièl o per telefon.

Acamp que ven : dissabte 16 de decembre a 18 oras al Pont (sala de la Comuna) [repais partatjat, preveire la "saqueta".]
Òrdre del Jorn : Mesa en forma e edicion dels bilhets de transpòrt
Prepausicions e organisacion de las fèstas del 4 de febrièr
Siti Internet del Collectiu : http://roergue.macarel.net